Friday, December 26, 2008

བོད་གཞས་སྙན་ཆུང༌།

གཞས་དེ་དང་པོ་བཏང་བ།
ལུང་ཆུང་གསེར་རིའི་རྩེ་ལ།
རྩེ་ལ་ཉི་མ་ཤར་དུས།
འུ་གཉིས་མཉམ་དུ་འཛོམས་ཆོག།

གཡུ་ལྕོགས་གཡུ་ཡི་གཞོང་པ།
མེ་ཏོག་ཁྲ་རྒྱན་འཁྱིལ་ཡོད།
ལན་གཅིག་ཕྲད་པའི་རོགས་ལ།
ལྷ་ཡིས་གནང་བ་འདྲ་བྱུང༌།

ཆུ་མོ་དྭངས་ཤིང་གཙང་བ།
འོ་མས་ཁ་རྒྱན་ཕུལ་ཡོད།
ང་ཡི་ཆུང་འདྲིས་བྱམས་པར།
ལན་གསུམ་དྲང་ན་བསམ་ཡོད།

དང་པོ་ཐོ་རངས་ཁ་ལ།
གཞས་ཆུང་ཁེར་གཏོང་མ་བྱེད།
བྱ་བརྒྱའི་རྨི་ལམ་དཀྲོགས་ན།
འུ་གཉིས་ཐུག་འཕྲད་ཆད་འགྲོ

ལན་གཅིག་ཆད་པ་མཐུད་ཡོད།
ད་ནི་མི་ཆད་བསམ་ཡོད།
སྲོད་ཁའི་ཉི་མར་བསྐུར་བ།
མཚན་མོའི་སྙིང་གཏམ་གཙང་མ།

དུར་ཁྲོད་ཀྱི་ཕ་རོལ་ན།

འཇམ་ཅག་གེར་བཞུར་བ་ནི་ཆུ་ཚོད་ཀྱི་བཞུར་འགྲོས་ཡིན་མོད།
དྲན་གདུང་འདི་དེ་ཙམ་གྱིས་ག་ལ་ཆོད་ཐུབམཁུར་འགོར་ག་ལེར་འོ་ཞིག་བྱེད་བསམ་པའི་གདུང་སེམས་དང་ལྷན
སྐད་ཅིག་རེ་རེ་ལ་བཟི་སྨན་ཧིབ་ཀྱིས་འཇིབ་ཀྱང
ཁྱོད་ནི་ནམ་ཡང་ཁྱོད་དེའཁྱག་ཤུར་ཤུར་གྱི་ཁྱོད་ཡིན


སྡུག་ཡུས་དེའི་བཞུར་སྟངས་ནི་འུ་གཉིས་ཀྱི་འབྲེལ་བ་དང་མཚུངས་ཤིང

ཆ་སྙོམས་མིན་པ་ནི་རྒྱུན་ལྡན་གྱི་འགྲོ་ལུགས་ཙམ་དུ་རློམ
ཚོད་ལྟ་ཐེངས་གཅིག་ནི་འདི་ལྟ་སྟེ
ཁྲག་དང་རྣག མཁའ་དབུགས་ཀྱི་དྭངས་མ་དག་རེད
ངོ་མ་ཁྱོད་ལ་བསོད་ནམས་མི་འདུག

བར་སྐབས་འདིརའོད་ཆེམས་ཆེམས་འཕྲོ་བ་དག་གིས་ཀྱང

ཁྱོད་ལྟར་འཁྱག་ཤུར་ཤུར་གྱི་ལོ་ཟླ་ཞིག་དྲུད་ཡོང་བ
ང་ཁོ་ན་མ་གཏོགས་སུ་ལ་གསལ


ཁེར་འགྲོའི་སྣང་ཚུལ་ནི་བསམ་མི་ཐུབ་པ་ཞིག་རེད

ཡིན་ནའང་འུ་གཉིས་ལ་མཚོན་ན་དེ་ནི་རྒྱུན་ལྡན་ཞིག་ཡིན
ཁྱོད་ཀྱིས་ཁོ་དྲན་བཞིན་ཁེར་རྐྱང་ཡིན་ལ

ང་ཡིས་ཁྱོད་དྲན་བཞིན་ཁེར་རྐྱང་ཡིནརྒྱུ་མཚན་དེའི་ཕྱིར
ཁྱོད་ལ་གཞན་གྱིས་གནང་བའི་འཚོ་བ་དང
ང་ལ་ཁྱོད་ཀྱིས་གནང་བའི་འཚོ་བ་ནི
ཀུ་རེ་ལྟ་བུ་ཞིག་ལས་ཝུ་ཆང་ཤེལ་ཕོར་གང་གི་རིན་ཐང་ཡང་མི་འདུག


མཚམས་འདིར་ཁོ་བོས་གཉན་གྱི་སྙན་རྩོམ་འབྲོང་ཀློག་བཞིན་ཡོད

སྙན་རྩོམ་འདི་ནི་སྒྲ་དབྱངས་ཤིག་དང་མཚུངས་ཤི
ག་ལེར་ཁོ་བོའི་སྙིང་དབུས་ནས་གྲགས་བྱུང
སྙིང་དབུས་ནས་གྲགས་བཞིན་པ་ནི་ཁོང་ཁྲོ་ཞིག་སྟེ
མཐའ་དབུས་ཀྱི་དཀྱིལ་འཁོར་གཤགས་པའི་རལ་གྲི་གཡུག་ཐེངས་གཅིག་ཁོ་ན་རེད


གང་ཞིག་ན་ཐོག་མེད་ནས་བསགས་པའི་ལན་ཆགས་ཀྱི་ས་བོན་ཡོད་ན

དེའི་མཐའ་འཁོར་དུ་རྒྱུ་བཞིན་པ་ནི་ངའི་སྒལ་ཚིགས་སྟེང་གི་ཕྱི་མིག་གསོན་པོ་དེ་ཡིན་པས
ཁྲག་མདོག་གི་ཁྱོད་ཀྱི་མཁུར་འགོ་དེ་ནའངསྡུག་སྣང་གི་བུ་ལོན་ཁོ་བོས་མཇལ་བཞིན་ཡོད
བླ་མེད་ཀྱི་བྲང་ཁོག་དེ་མཐོ་རུ་ཕྱེ་དང
ཁྱོད་ཀྱི་རེ་འདོད་མི་ཚིམ་པ་ཅི་ཡོད


འགྲོ་ལམ་གྱི་གདམ་ཀ་ནི་གལ་ཆེན་ཞིག་གཏན་ནས་མ་རེད

གལ་ཆེན་མིན་ཕྱིར་རྫུས་མའི་སླུ་བྲིད་ཀྱིས་ཅི་བྱེད
གདོང་འབག་ལ་སེན་འབྲད་བྱས་ཚེ་ཡང་བསྐྱར་གདོང་འབག་གཞན་ཞིག
དེ་བཞིན་ཁྱོད་ཀྱི་གདོང་འབག་དེ་ཡངརྒྱ་ལམ་འགྲམ་གྱི་མེ་ཏོག་ལྟ་བུ་ཡིན་པས
ནམ་ཞིག་རླུང་བུ་གཡུག་ཐེངས་གཅིག་གིས་ཀྱང་གང་དུ་ཁུར་འགྲོ
དེའི་ཕྱིར་རང་སེམས་ལ་ནང་ཁྲིམས་མ་འཇོག
ང་ནི་ཁྱོད་ཀྱི་ནང་མིར་གཏན་ནས་འཚང་མི་སྲིད
གྲོགས་པོ་སེམས་ལ་ཆུགས་དང
འདི་ནི་ང་དུར་ཁྲོད་ཀྱི་དམ་བཅའ་ཡིན

ང་དུར་ཁྲོད་ཀྱིས་རྡ་རམ་ཤ་ལ་ནས་c.D བྲིས།

གནམ་གྱི་མཐའ་དང་ས་ཡི་སྟེང་ན།

ལས་དབང་གི་དར་ཐག་དེའི་སྣེ་ནསྒྲོལ་མ་ལྟ་བུའི་མཛེས་མ་ཞིག་མི་འདུགཁོ་མོ་འགྲོ་ཁར་འཛུབ་དཀྲིས་བསྐྱུར་སོང་མོདསྒྲོལ་མ་དྲན་སྟངས་དེ་དྲན་ཚུལ་གཞན་ཞིགལོ་ཟླ་འཁྱག་སིབ་སིབ་ སེམས་པ་འཁྱག་སིབ་སིབསྒྲོལ་མ་དྲན་ཚུལ་དེ་དམར་པོ་མེ་དྲན་པ་ཡིན

སྒོ་མོ་དང་སྒེའུ་ཁུང་གཏད་ཀྱང སྒྲོལ་མ་མི་ཁོགམི་ཁོག་པའི་དབང་གིས་སྒྲོལ་མ་ཡོང་སྟངས་ཀྱང་གཞན་ཞིག སྒྲོལ་མ་དགོད་བཞིན་ཐོན་ན ཁོ་བོའི་ཁང་ཆུང་གི་ཉི་མ་ཡིན་ལསྒྲོལ་མ་ངུ་བཞིན་སླེབས་ན ཁོ་བའི་ཡ་ཆུང་གི་སྨུག་པ་ཡིན
གཏན་བདེའི་ཕ་རོལ་གྱི་སྣང་བ་འདི་མུན་པ་ཞིག་གིས་ཚོད་ཀྱིས་སླེབས་ནའངང་དང་སྒྲོལ་མའི་བར་ན་སྨིག་སྤྲིན་ལྟ་བུའི་རློན་ཤ་ཞིག་ངང་གིས་འཁོར་ཡོད
མཚན་མོར་ཟླ་བ་བཟི་སྣང་གིས་གཉིད་དུས ང་དང་སྒྲོལ་མ་གཉིས་ཀ ཕ་མའི་ཨུ་ཚུགས་ཀྱི་ལྕགས་སྒྲོག་གིས་མ་ཐུབ་པར དུང་ཤ་ཞིག་གི་ཧྲག་བར་ནསསྙིང་ཆུང་གཉིས་ཀྱི་འཕར་ལྡིང་ལ་མཉན་བཞིན་ཡོད

ཉི་མ་དེ་རིང་ནས་བཟུང
གནམ་གྱི་མཐའ་དང་ས་ཡི་ཐོག་ན་ སྐད་ཆེན་པོས་ངུ་བཞིན་པ་སྒྲོལ་མ་དང་ངེད་གཉིས་ཡིན་ལ ཤུགས་ཆེན་པོས་དགོད་བཞིན་པ་ཡང་སྒྲོལ་མ་དང་ངེད་གཉིས་ཡིན་མདོར་བསྡུས་ན་ཇི་སྲིད་དུ ནམ་ཡང་ས་མཚམས་མེད་པར་ལྷོག་ལྷོག་ཏུ་ལྡིང་བཞིན་པ་ནི་སྒྲོལ་མ་དང་ངེད་གཉིས་ཡིན ༢༠༠༨།༨།༢༠
མཆོད་མེ་དྲ་རྒྱའི་རྩོམ་སྒྲིག་པ་ལགས། ཉེ་ཆར་ཁྱེད་ཅག་གིས་ཁོ་བོའི་རྩོམ་དེ་དྲ་རྒྱའི་སྟེང་བཀོད་པར་ཐུགས་རྗེ་ཆེ་ཞུ་བ་དང་ཆབས་ཅིག་ཡང་བསྐྱར་རྩོམ་ཞིག་བསྐུར་ཡོད་པ་དགྱེས་བཞེས་ཡོད་པ་ཞུ།

Tuesday, December 23, 2008

Wednesday, December 3, 2008

my love and lobsang




tibetan save


tibetan save


john manla


Thursday, November 20, 2008

བོད་ཀྱི་བུ་མོ།







དུས་དང་སྐབས་ད་དུང་དྲིན་ལན་ཅན་གྱི་མི་མང་པོས་གཟུགས་མེད་ཀྱི་བཀའ་རྒྱ་སྣ་ཚོགས་བཏང་སྟེ་དམར་ཕྱོགས་པའི་རང་ལུགས་ཆེས་ཆེར་བརྡོལ་བཞིན་པའི་གཞིས་ཀ་ཞིག་ཏུ་ལོ་ཡི་ཕྲེང་བ་ཁ་ཤས་ཟད་པ་དང༌། མུ་མཐུད་དུ་ཁ་གྲངས་ཤིག་ལོངས་བར་དུ་འཚོ་དགོས་པ་བཅས་སོ།།

Monday, November 17, 2008

ཕུལ་བྱུང་སྒྲོལ་མ།


Monday, October 20, 2008

རྫས་འགྱུར་གྱི་མེ་ཏོག

ཁྱོད་དྲན་དུས
རྨི་ལམ་གྱི་བར་གསེང་ན་ངུ་བཞིན་པ་དེ་སུ་ཡིན
ཅིས་ཀྱང་བརྗེད་མི་སྲིད་པའི་འཇིག་རྟེན་ན
ཡོད་ཚད་ལྷིང་འཇགས་ཀྱི་གྲུ་ཁ་རེ་ནས
ཁྱེད་དང་ལས་དབང་གཅིག་པའི་ན་ཟུག་ལ་བཞག་ཡོད

ཁྲག་དང་རྣག་གི་འགྱུར་པ་ལས
རྫས་འགྱུར་གྱི་མེ་ཏོག་གད་ཅིང
ས་སྲོད་ཀྱི་ཆང་ཁང་ནང་ནས
རོ་ལངས་མང་བོ་འདས་ལོག་རྒྱག་དུས
མཚམས་སྤྲིན་གྱི་མཛེས་བར་འཁྱུད་པའི་རྨི་ལམ་དེ་གང་ན་ཡོད་ནས

ཁྱོད་ཀྱིས་ཀྱང་ཤེས་གསལ
གཏན་བདེའི་འོད་སྣང་གི་གཞི་ན་ངས་དྲན་བཞིན་པ་དེ་ཁྱོད་ཁོ་ན་ཡིན་མི་འོས་མོད
ཅིས་ཀྱང་ལས་དབང་གི་ས་མཚམས་དེར་ཐུག་ཡོད་ན

ཁོ་བོ་འཇིག་རྟེན་གྱི་བཙོན་མ་བྱེད་པར་སྐྲག་དགོས་དོན་མི་འདུག

འདས་པོ་སྟག་འཚེར་ཚང་།



བོད་རང་བཙན་མ་ཡིན་པའི་ཐབས་ལམ་གང་འདྲ་ཞིག་ཡིན་ཡང་བོད་མི་མང་འཆི་ལམ་དུ་འཁྲིད་པའི་ཐབས་ལམ་ཉག་གཅིག་ཡིན། སྟག་འཚེར་ཚང་གིས་སྔོན་ཆད་འདི་འདྲ་ཞིག་གསུངས་མྱོང་།
ཁ་སང་འདི་འདྲ་ཞིག་དགོངས་བཞིན་ང་ཚོ་དང་དུས་གཏན་དུ་བྲལ་སོང༌། གཞི་རྩའི་མི་མང་གི་བསམ་ཚུལ་གྱེན་དུ་འདེགསབོད་རང་བཙན་མ་ཡིན་པའི་ཐབས་ལམ་གང་འདྲ་ཞིག་ཡིན་ཡང་བོད་མི་མང་འཆི་ལམ་དུ་འཁྲིད་པའི་ཐབས་ལམ་ཉག་གཅིག་ཡིན། སྟག་འཚེར་ཚང་གིས་སྔོན་ཆད་འདི་འདྲ་ཞིག་གསུངས་མྱོང་ལ། ་པའི་རླབས་ཆེན་གྱི་འོད་སྣང་ཞིག་གཤགས་མ་ཚར་བའི་མུན་པ་འདིའི་སྔ་རོལ་དུ་འདི་ལྟར་ནུབ་སྐབས། ངའི་བཟང་ས་མང་བོ་ཞིག་དང༌། ངའི་བཤད་གྲོགས་མང་བོ་ཞིག ད་དུང་ང་མི་དགའ་ས་མི་མང་བོ་ཞིག་གིས་རླབས་ཆེན་གྱི་མི་སྣ་འདིར་དེ་འདྲའི་རྩིས་ཆེན་བྱེད་ཀྱིན་མི་འདུག རྒྱུ་མཚན་གཅིག་ནི་ྋགོང་ས་མཆོག་གི་རང་སྐྱོང་ལྟ་ཚུལ་ལ་སྐྱོན་བརྗོད་བྱས་པ་རེད་ཟེར། བོད་མི་མཐོ་རིམ་པ་ཁ་ཤས་ཕུད་མི་མང་གི་བསམ་པའི་རྟེན་ས་རང་བཙན་གཙང་མའི་ལངས་ཕྱོགས་བསྒྲུབ་པ་ལ་རེ་སྐུལ་བྱས་པ་འདིར་ཡང་ནོར་འཁྲུལ་གྱི་ནང་དོན་ཞིག་ཡོད་དམ། བརྒྱད་ཅུའི་རྒད་པོ་ཞིག་གིས་མི་ཡུལ་རྒྱལ་ཁབ་མང་བོར་ཚེ་ཡི་སྐུད་པ་མ་ཆད་བར་དུ་བོད་དོན་ཆེད་འདུར་བ་དེ་ནི་ཁ་སང་ང་ཚོ་དང་བྲལ་བའི་སྟག་འཚེར་ཚང་མ་ཡིན་ནམ། ཨུ་ཚུགས་དང་རྨོངས་དད་ཀྱིས་ང་ཚོ་ཡང་ཡང་ཧོལ་རྒྱུགས་ཀྱི་ལམ་ལ་འདེད་བཞིན་པ་ལྟར། ནོར་འཁྲུལ་ལ་ངོས་ལེན་བྱེད་མི་ཕོད་པའི་སྤྱོད་པ་རིང་དུ་སྤངས་ཏེ་མཚན་དང་སྙན་གྲགས་ནམ་ཡང་མི་དགོས་བའི་ཁོང་གི་དུར་སའི་མདུན་དུ་བདེན་པ་ལ་རེ་བའི་འབྲས་བུ་དང་ཁ་བ་ལ་བཞག་པའི་འབྲས་བུར་རྩིས་ཐོ་རགས་བསྡུས་ཙམ་ཞིག་འགོད་པ་ལ་སྟ་གོན་བྱེད།

Tuesday, October 7, 2008

སུ ཞིག་གི་རྨི་ལམ་ལྟ་བུའི་འཚོ་བ་འདི།


ཅིས་ཀྱང་བརྗེད་མི་སྲིད་པའི་རང་ཅག་གི་སེམས་ཁོང་ན་དྲག་ཏུ་འཕྱོ་བཞིན་པའི་ཁ་བ་བོད་པ་ཚང་།

Friday, October 3, 2008

མཆོག་གྲབ་ལ་ཕུལ།

གཞས་ཆུང་འདི་སུ་ཞིག་གི་སེམས་ཁོང་གི་མི་དེ་ལ་ཕུལ་བ་ཡིན།
དུས་དང་སྐབས་ད་དུང་དྲིན་ལན་ཅན་གྱི་མི་མང་པོས་གཟུགས་མེད་ཀྱི་བཀའ་རྒྱ་སྣ་ཚོགས་བཏང་སྟེ་དམར་ཕྱོགས་པའི་རང་ལུགས་ཆེས་ཆེར་བརྡོལ་བཞིན་པའི་གཞིས་ཀ་ཞིག་ཏུ་ལོ་ཡི་ཕྲེང་བ་ཁ་ཤས་ཟད་པ་དང༌། མུ་མཐུད་དུ་ཁ་གྲངས་ཤིག་ལོངས་བར་དུ་འཚོ་དགོས་པ་བཅས་སོ།།
བོད་ཀྱི་གཞས་སྙན་མོ་རེད། ང་དུར་ཁྲོད་ཀྱི་ཆང་ཁང་ནག་པོ་རེད།

Tuesday, September 23, 2008

ཆང་ཁང་ནག་པོའི་གླུ།


ཞེན་ཆགས་ཀྱི་སྣང་བ་ཙམ་དེ།།

བདེ་སྣང་གི་རྒྱུ་རུ་གྱུར་ཀྱང༌།།

ཁྲག་མདོག་གི་སྙན་ངག་ཟད་པོས།།

མཁྲེགས་བཟུང་གི་ལྕགས་སྒྲོག་ཆོད་སོང༌།།

དེ་རིང་གི་ཡོང་སྒོ་ནག་པོ།།

དམིགས་མེད་ཀྱི་གཞི་རུ་བཏབ་པ།།

ཁྱེད་རང་གི་མིག་ཆུས་བསྐྱངས་ཏེ།།

བུ་མོ་ཚོས་སྙིང་གཏམ་གླེང་ན།།

བཙོན་ཁང་གི་གཡོག་མོ་དེ་ཡིས།།

ཚེ་སྲོག་གི་རིན་ཐང་རྙེད་འོང༌།།


ཕྱི་རོལ་གྱི་མུན་པའི་སོ་བ།།

མདང་དགོང་གི་རྨི་ལམ་བསྙེགས་པ།།

ལན་ཆགས་ཀྱི་ཡོལ་བའི་གསེབ་ཏུ།།

བུ་ལོན་གྱི་ཚུལ་གྱིས་སླེབས་སོང༌།།

རྙིང་ཧྲལ་གྱི་པགས་རྩག་དོར་མཁན།།

ཆང་ཁང་གི་བླ་རྒན་མིན་པས།།

ནང་རོལ་གྱི་འདོགས་ཐག་ཆོད་ན།།

གཞན་དབང་གི་སྒོ་ཆེན་ཕྱེས་ནས།།

རྒྱ་གྲོང་གི་གཞོན་ནུ་ཞིག་ཀྱང༌།།

ལས་དབང་འདིར་ཤི་འཐམ་བྱས་ཆོག།


ལྡོག་མེད་ཀྱི་བཀའ་ཁྲིམས་བཙན་པོས།།

ནང་རོལ་གྱི་གུ་ཡང་ཁྱེར་པས།།

ས་སྲོད་ཀྱི་ཕྱི་མིག་དམར་མོ།།

ཆང་ཁ་ནས་རྒས་པ་འདིས་མཚོན།།

ངེས་མེད་ཀྱི་བསམ་པའི་འཁྱེར་སོ།།

གཞང་བཙོང་མའི་ཕྱོགས་ལ་ཤོར་བ།།

ཆག་གྲུམ་གྱི་གས་ཁ་རྒུམ་པའི།།

དབུལ་བོ་ཚོའི་འདོད་བློ་ཡིན་ན།།

སྒོ་ཆེན་གྱི་སྲང་ལམ་ཁ་ནས།།

མཚོན་མདངས་གི་གྲིབ་སོ་གོན་སོང་།།

གདན་ས་ཁག་གིས་དུས་རབས་ལ་ངོ་རྒོལ་བྱེད་ཀྱིན་འདུག


ཡིད་སྐྱོ་ཞིང་ཕངས་པ་ཞིག་ལ་རྨོངས་གཉིད་ཀྱི་འཆིང་རྒྱ་ལས་མ་གྲོལ་བའི་མི་སེར་དཀྱུས་མ་ཚོའི་མིག་མདུན་ན་དག་ཞིང་དུ་སྣང་བའི་དགོན་སྡེ་ཁག་གི་ཁྲོད་ན། རང་མགོ་རང་གིས་གཡོགས་ཤིང༌། རང་སེམས་རང་གིས་གསོས་ཏེ་ཁ་གཡང་སྙན་མོའི་ལྕེབ་ཐག་གི་སྣེ་མོར་འཇུ་བའི་ལས་གནས་པ་མང་བོ་ཞིག་གིས་ནང་བསྟན་གཞུང་ལུགས་ཀྱི་དགེ་མཚན་ཁོ་ན་བཤད་དེ་དགོས་ངེས་ཀྱི་དེང་རབས་རིག་གནས་མང་བོ་ཞིག་དགོན་གྲོང་དུ་འབྱུང་བར་སྒོ་མོ་གཏོད་ཀྱིན་འདུག འདི་ནི་ཁོ་ཚོས་གཞོན་སྐྱེས་གྲྭ་བཙུན་དག་གནའ་བོའི་དུས་རྙིང་གི་མུན་ཁུང་ལ་ཕྱིར་ཁྲིད་པ་ཞིག་ཡིན་ལ། ཤེས་ཡོན་དང་ཚན་རྩལ་གྱི་འཕེལ་ཁ་ཧ་ཅང་མྱུར་བའི་དུས་རབས་ཉེར་གཅིག་པར་ངོ་རྒོལ་བྱས་པ་ཞིག་ཀྱང་ཡིན། དབྱིན་ཡིག་དང༌། གློག་ཀླད་ཁ་པར་སོགས་དེང་རབས་སྤྱི་ཚོགས་ནང་རྒྱུགས་ཆེ་བའི་ཤེས་བྱའི་རིགས་དགོན་སྡེ་རུ་བསླབ་མི་ཆོག་ཅེས་དགོན་ནང་གི་འཛིན་གྲྭའི་ངོས་ནས་ཅུང་མཐོ་བའི་མཁྲེགས་འཛིན་དང་བླུན་ཚུགས་ཀྱིས་སེམས་རྒྱུད་ཡོངས་སུ་བརླམས་པའི་བླ་རྒན་འགའི་རྨོངས་འཆར་ལ་གཞི་བཅོལ་ཏེ་བཀའ་ཁྱབ་བསྒྲགས་པ་ནི། གཞོན་སྐྱེས་མང་བོ་ཞིག་གི་སེམས་པ་ལ་མེ་སྲེག་ཐེངས་གཅིག་བྱས་པ་ཡིན། གདན་ས་ཁག་གི་གྲྭ་བཙུན་ཕལ་ཆེར་བོད་ནང་ནས་འོངས་པ་ཡིན་ཞིང༌། དེ་ཡང་རྒྱ་དམར་གྱི་དབང་བསྒྱུར་འོག་ནས་དེང་དུས་ཀྱི་སློབ་སྦྱོང་གི་གོ་སྐབས་མ་རེག་པ་ཤ་སྟག་ཡིན་སྟབས། ཁོང་ཚོས་གདན་ས་ཁག་གིས་ཀྱང་རྒྱ་དམར་བཞིན་དེང་དུས་ཀྱི་སློབ་སྦྱོང་མི་སྤྲོད་པར་མ་ཟད། ད་དུང་དུས་རབས་ཀྱི་ཁ་གཏད་དུ་ལངས་པ་ནི་རང་ཉིད་ལ་མཚོན་ན་འཆི་ལམ་དུ་དེད་པར་ངོས་འཛིན་བྱེད་ཀྱིན་ཡོད། ཡིན་ན་ཡང་ཕལ་ཆེ་བ་ཞིག་ལམ་ཁ་འདིར་མིག་ཟུང་བཙུམས་ཏེ་འབྲས་མེད་ཀྱི་རེ་བ་བདག་མེད་ཅིག་གནམ་ལ་བཅངས་ནས་འཆི་ལམ་འདིར་འགྲོ་བ་ལས་དགོན་སྡེ་ནམ་ཡང་བློས་གཏོང་བྱེད་མི་ཐུབ། དེ་ཅིའི་ཕྱིར་ན། རྒྱུ་མཚན་ནི་གཉིས་ཡོད། གནས་འདིར་ཁོ་ཚོར་དཔལ་འབྱོར་གྱི་རྒྱབ་རྟེན་མེད་པས་ལྟོ་གོས་ཀྱི་འཚོ་བ་དགོན་སྡེ་རུ་གཏོད་དགོས་པ་དང༌། ལར་ཁོ་ཚོས་ནང་ཆོས་ལ་སློབ་བརྩོན་བགྱིད་པའི་ཁོར་ཡུག་བཟང་བོ་ཞིག་ཀྱང་ཆགས་ཡོད་པས་ཡིན། རྒྱུ་རྐྱེན་དེ་གཉིས་ནི་མཐོ་རིགས་དབང་འཛིན་པ་ཚོས་གྲྭ་བཙུན་གཞོན་སྐྱེས་ཚོར་འགྲམ་ལྕག་གཞུ་བྱེད་ཀྱི་ལག་ཆ་ཡག་ཤོས་སུ་བེད་སྤྱོད་བྱེད་བཞིན་འདུག གདན་ས་ཁག་གིས་ཀྱང་གྲྭ་རྒྱུན་བསྡུས་ནས་དེང་རབས་རིག་གནས་ཐོག་ཏུ་ནང་བསྟན་གཞུང་ལུགས་དར་སྤེལ་གཏོང་དགོས་པ་ལས་དུས་རབས་ལ་གླེན་རྟགས་ཀྱིས་ངོ་རྒོལ་བྱས་ཏེ། གཞོན་སྐྱེས་མང་བོའི་འདོད་བློ་ལ་ཕོག་ཐུག་བཟོས་ན་མ་འོངས་པའི་གྲྭ་རྒྱུན་ལ་ཡང་ཉེན་ཁ་འབྱུང་མི་སྲིད་པ་ཞིག་ག་ལ་ཡིན། དེང་སྐབས་གྲྭ་བ་གསར་འབྱོར་བ་མང་བོ་ཞིག་གིས་བལ་ཡུལ་ནས་ཐོ་འགོད་བྱེད་དུས་སློབ་གྲྭ་འདེམས་བཞིན་ཡོད། དེ་ནི་ཁོང་ཚོས་དེང་དུས་ཀྱི་ཤེས་ཡོན་སྦྱང་འདོད་པ་དང༌། འཛམ་གླིང་གི་འགྲོ་སྟངས་ཤེས་འདོད་པས་ཡིན། ཡང་གཅིག་བཤད་ན་གཉན་འཕྲེང་གི་དུས་སྐབས་འདིར་གྲྭ་བཙུན་ཚོ་ཡང་ཆོས་ལུགས་ཀྱི་བཙན་བྱོལ་བ་ཁོ་ན་བྱེད་མི་རུང༌། སྤྱིར་གདན་ས་ཁག་ཀྱང་བོད་མི་རིགས་དང་ནང་བསྟན་གཞུང་ལུགས་གཉིས་ཀྱི་ཆེད་དུ་བཙུགས་པ་ཡིན་པས། བོད་ཀྱི་མ་འོངས་པར་བདག་པོ་རྒྱག་པའི་མི་རབས་གསར་བ་གསོ་སྐྱོང་གི་འགན་ཆ་ཚང་ཡོད། ལྷག་པར་དུ་ལོ་རྒྱུས་རང་བཞིན་གྱི་གནད་འགག་གི་དུས་མཚམས་འདིར་རང་ཉིད་ཀྱི་འཛིན་སྐྱོང་ཁོངས་ཡོད་པའི་གཞོན་སྐྱེས་རེ་རེར་དུས་རབས་དང་མཐུན་པའི་འགན་ལེན་འཐུས་ཤོར་མེད་པ་ཞིག་བྱེད་དགོས་པ་ལས། མི་སྣ་རེ་ཟུང་གི་དབང་བསྒྱུར་ལམ་ལུགས་འོག་སོང་ན་ག་ལ་འགྲིག ཡང་ཕྱོགས་གཅིག་ནས་བཤད་ན་འཛིན་གྲྭ་འོག་མ་ཚོར་དབྱིན་ཡིག་སོགས་ཐ་སྙད་རིག་གནས་བཀག་སྡོམ་བྱེད་དགོས་ཀྱི་བཀའ་ཁྱབ་དེ་ནི་ཆོས་རིག་ལས་ཁུངས་ཀྱི་ངོས་ནས་བཏང་བ་ཞིག་རེད། ཆོས་རིག་ལས་ཁུངས་ཀྱིས་ཀྱང་གྲྭ་བཙུན་ཡོངས་ཀྱི་འདོད་བློ་ལ་བདག་པོ་མི་རྒྱག་པར་དེང་རབས་རིག་གནས་ལ་སྡང་བའི་བླ་རྒན་འགའི་བསམ་ཚུལ་ལ་ཉན་པ་ནི་ཅི་འདྲའི་ཡིད་སྐྱོ་བ་ཞིག་རེད་ཨང༌། ད་བར་དུ་ཕྱི་ཕྱོགས་ནས་རོགས་དངུལ་འབོར་ཆེན་བཏང་བའང་གྲྭ་བཙུན་ཚོ་དུས་རབས་ཉེར་གཅིག་པའི་མི་ཞིག་ལ་སྐྱེད་སྲིང་བྱ་ཆེད་ཡིན་པས། གྲྭ་བཙུན་ཚོར་ཡང་འདྲ་མཉམ་གྱིས་སློབ་སྦྱོང་གི་ཁ་ཕྱོགས་དང་རྣམ་གྲངས་ལ་དགོས་འདུན་འདོན་པའི་ཐོབ་ཐང་ཡོད་པ་ནི་མཐོ་རིམ་དབང་འཛིན་པ་ཚོས་ཤེས་དགོས་པའི་དུས་ལས་འཕྱི་མེད་ན་སྔ་མི་འདུག་གོ།
རླུང་ཡོར་གྱིས་གླེང་བརྗོད་སྤེལ།

ཅིས་ཀྱང་གཉིད་དགོས།


མི་ཁ་ཤས་ཤིག་གིས་ཧ་ཅང་སྙིང་ཉེ་ཉེ་དང་ཤ་ཚ་མདོག་གིས་ནམ་རྒྱུན་ཁྱོད་རང་གཉིད་ལས་ལངས་དགོས་པའི་དྲན་སྐུལ་ཡང་ཡང་བྱེད་སྲིད་མོད། འོན་ཀྱང༌། ཁྱོད་ཀྱིས་དེའི་རིགས་ལ་ཁ་ཡ་གཏན་ནས་བྱེད་མི་དགོས། མ་གཞི་མི་དེ་ཚོས། ཁྱོད་རང་འཇིག་རྟེན་འདིར་གཉིད་ཀྱི་ཆེད་དུ་ཡོང་བ་ཡིན་པ་ཚོར་མེད་ལ། ད་ལྟ་གཉིད་ཀྱི་ཆེད་དུ་འཚོ་བཞིན་པའང་ཤེས་མེད། དེ་བས་ཁྱོད་རང་ད་དུང་གཉིད་དགོས། ཁྱོད་རང་དེ་ལྟར་གཉིད་པ་ནི་ཁྱོད་ཀྱི་བསོད་ནམས་རེད་ལ། ཁྱོད་རང་ནམ་ཡང་གཉིད་ལ་རོལ་བ་ནི་ཁྱོད་ཀྱི་ཐོབ་ཐང་རེད། ཡང་སྙིང༌། ཐོབ་ཐང་དེ་ལོངས་སུ་སྤྱོད་རྒྱུ་ཡང་ཁྱོད་ཀྱི་ཐོབ་ཐང་རེད།༢ མཚམས་རེར་སྒོ་དང་སྒེའུ་ཁུང་ཕྱི་རོལ་དག་ནས་མིའི་སྐད་སྒྲ་རེ་གྲགས་འོང་ལ། སྐད་སྒྲ་དེའང་བྲག་ཅ་བཞིན་ཁྱོད་ཀྱི་རྣ་བར་འཁོར་ངེས། ཡིན་ནའང༌། ཁྱོད་རང་རྨི་ལམ་གྱི་མངའ་ཐང་སྲུང་ཕྱིར་སྔར་བཞིན་གཉིད་དགོས་ལ། ད་དུང་ཅིས་ཀྱང་གཉིད་དགོས། གཉིད་ངོགས་ཀྱི་འཚོ་བ་ལ་བདེ་སྐྱིད་ཀྱི་དྲོད་ཁོལ་འཛོམས་ཤིང༌། རྨི་ལམ་གྱི་རྩེད་རྭ་ལ་དྭངས་གཙང་གི་འགྱུར་ཁུགས་འཁྱིལ་བ་དངོས་ཡོད་ཡིན། ཁྱོད་གཉིད་ཁུག་པ་ནི་ཁོར་ཡུག་ཞིག་གི་ལྷིང་འཇགས་རེད། ཁྱོད་གཉིད་སད་པ་ནི་ཁྱོད་ཉིད་འབོར་བའི་སྔ་ལྟས་རེད། དེ་བས་ལྷིང་འཇགས་ཀྱི་ཕྱིར་དུ། རང་ཉིད་ཀྱི་ཆེད་དུ་ཁྱོད་རང་ད་དུང་གཉིད་དགོས། ཅིས་ཀྱང་གཉིད་དགོས།༣ སྤྱིར་འཇིག་རྟེན་འདིར་བྱ་ལས་ཅི་ཞིག་རྩོམ་ནའང་དེར་བར་ཆད་དང་འགོག་རྐྱེན་རེ་འཕྲད་ངེས་པ་ནི་ཆོས་ཉིད་ཀྱི་འཁྲབ་ཚན་ཞིག་ཡིན་པས་གཉིད་ལ་མི་དགའ་བའི་སེམས་ཅན་སྐོར་ཞིག་ཁྱོད་ཀྱི་ཁ་གཏད་དུ་ལངས་ཏེ་འདུག་པ་ནི་ཁྱོད་ཀྱི་གཉིད་ལ་འཕྲད་པའི་བར་ཆད་རེད། ཡིན་ནའང༌། བར་ཆད་འཚུབ་པའི་ལམ་བུ་ནས་ཁྱོད་ཀྱིས་རང་ཚུགས་དང་མི་གཞི་ཡོད་པའི་སྒོས་གཉིད་ཀྱི་སྐལ་བར་ལོངས་སྤྱོད་ཐུབ་དགོས། དེ་མིན་ཚེ་ཕྱི་མའི་ཡུལ་ན་གཉིད་ས་མེད་ལ་ཉལ་སའང་མེད་པ་ཤེས་པར་གྱིས།༤ ལོ་དང་ཟླ་བའི་བར་ན། རྟག་ཏུ་ཅི་ཞིག་འཚོལ་བར་འདུར་རྒྱུག་གིས་བྲེལ་བའི་མི་བུ་སྐོར་ཞིག ཁྱོད་ཀྱི་གཉིད་སྟངས་དེར་ཡིད་མོས་གཏན་ནས་མེད་ནའང༌། སྐབས་རེར་ཁོ་ཚོའི་ཁྲོད་ཀྱི་ལ་ལ་ཞིག་ཨ་ཆད་ཡིད་མུག་གི་ཚོར་བས་ཕམ་འགྲོ་གི་ཡོད། དུས་དེར། ཁོ་ཚོ་ཡང་ཁྱོད་ལྟར་གཉིད་ལ་རོལ་རྒྱུ་ལས་ལམ་ཁ་གཉིས་པ་ཞིག་རྙེད་མི་སྲིད་པས་ཁྱོད་རང་དང་བོ་ནས་འདི་ལྟར་གཉིད་ལ་རོལ་བ་ནི་ཁྱོད་ཀྱི་རྒྱལ་ཁ་རེད། ཁྱོད་ཀྱི་རྣམ་དཔྱོད་རེད། དེ་བས་ཁྱོད་རང་སྔར་བཞིན་གཉིད་དགོས། ཅིས་ཀྱང་གཉིད་དགོས།༥ ཁྱོད་རང་ཞེ་བསམ་པས་གཉིད་དགོས་ཀྱང༌། གཏན་དུ་གཉིད་མི་རུང༌། སད་རན་པའི་དུས་ཚིགས་དེ་སླེབས་དུས་ཡར་ལ་ལོངས། དུས་ཚིགས་དེ་ནི་ཉི་འོད་དང་ཟླ་ཟེར་ལྷན་དུ་འཆར་བའི་དུས་ཚིགས་དེ་ཡིན་འོས་ལ། དུས་ཚིགས་དེ་ནི་ང་ཚོས་ཉི་མ་དང་ཟླ་བའི་ཕོ་བྲང་ནས་ཆེས་ཐོག་མའི་ལྷན་འཛོམས་ཀྱི་གསོལ་སྟོན་ལ་རོལ་ཆོག་པའི་དུས་ཚིགས་དེའང་ཡིན་ཆོག ༢༠༠༨།༩།༧དགོང་མོར་བྲིས། ཤིས་ཚང་བའི་པོད་ཁུག་ལས་བཤུས།

Monday, September 22, 2008

བསམ་གཞིག་བསྐྱར་མ།


ང་ཚོ་བོད་པ་ཚོ་འཚོ་ཞིང་གནས་བཅས་པའི་གོ་ལ་ཟླུམ་པོའི་ཡང་རྩེ་དེར། རྒྱ་ནག་དམར་ཕྱོགས་པས་བཙན་འཛུལ་དྲག་པོ་བྱས་ཏེ་ཆོས་དང་རིག་གཞུང་གང་ཐད་ནས་གཏོར་སྐྱོན་ཚད་མེད་བྱུང་བ་འདི་དག་ང་ཚོས་འཛམ་གླིང་ཕྱོགས་ཀུན་ཏུ་གསལ་བར་བསྒྲགས་མོད། བདེན་པ་ལ་ཤུགས་ཆེ་བའི་ཁ་གཡང་ཙམ་ལས་བོད་པ་ཚང་གི་རྩ་བའི་གནད་དོན་ཆ་ཚང་འཇིག་ཉེན་གྱི་ཉེན་ཁ་ལས་སྐྱོབ་ཐུབ་མེད་པ་རེད། འདི་ལྟར་ཡུན་རིང་དུ་ཕྱིན་ཚེ་བོད་ཅེས་པ་འདི་ཤོག་ངོས་ཀྱི་མི་རིགས་ཤིག་ཏུ་འགྱུར་རྒྱུ་ཉག་གཅིག་ཡིན་པ་ཚང་མས་ཤེས་གསལ་ཡིན་པ་ལྟར། ད་ཆ་ང་ཚོ་བཙན་བྱོལ་བ་ཚང་མས་གཞིས་ལུས་སྤུན་ཟླ་ཚོའི་ཞེ་ལ་བརྣགས་པའི་བོད་རང་བཙན་གྱི་ལྟ་གྲུབ་འདི་རང་གཞུང་གི་རྩ་བའི་ལངས་ཕྱོགས་ལ་འཛིན་ཐུབ་པ་ཞིག་བྱེད་རྒྱུ་ནི་ད་ལྟའི་དུས་བབ་ཀྱིས་སྤྲད་པའི་འོས་འགན་ཞིག་རེད། འདིའི་སྐོར་དབུ་མའི་ལམ་ལ་དཔྱད་པ་ཞེས་པའི་དེབ་དེའི་ནང་སྐུ་ཞབས་འཇམ་དབྱངས་ནོར་བུས་གནད་དུ་སྨིན་པའི་དགག་སྒྲུབ་གཏིང་ཟབ་ཅིག་བྱས་ཡོད་པས་དེ་ལ་གཟིགས་པར་ཞུ། ཨོ་ལིམ་པུག་རྩེས་ཚར་བའི་རྒྱ་ནག་ལ་ཕྱི་མིག་ཅིག་བལྟས་པ་ཡིན་ན་བོད་དང་ཡུ་གུར་སོགས་རང་དབང་རྩོད་མཁན་རྣམས་ལ་ཆབ་སྲིད་ཀྱི་ཐད་ནས་དམ་དྲག་སྔར་ལས་ཤུགས་ཆེན་འབྱུང་བཞིན་ཡོད་པ་འདིས། ང་ཚོ་སྔོན་ཆད་ལམ་ལོག་ལ་བསྐྱོད་པ་བདེན་དཔང་བྱཻད་བཞིན་པ་ཞིག་ཏུ་ངོས་འཛིན་བྱས་ན་ཡང་མི་ཆོག་རྒྱུ་མེད་པར་སེམས། ཅི་ལྟར་ང་ཚོ་མུ་མཐུད་དུ་ལངས་ཕྱོགས་འདི་འདྲ་ཞིག་གི་ཐོག་ཤར་སྐྱོད་བྱས་པ་ཡིན་ན་ནམ་ཞིག་བུ་རབས་ཚ་རྒྱུད་ཀུན་ལ་ངོ་གནོང་དགོས་པ་ཞིག་ཏུ་མི་འགྱུར་བའི་ངེས་པ་མེད་པས། ཁ་ཙམ་མིན་པར་བོད་ཀྱི་ཆེད་དུ་སྨྱུ་གུ་འཛིན་མཁན་ཞིག་ཡིན་ན་གནད་དོན་འདི་དག་སྣང་ཆུང་དུ་མི་བསྐྱུར་བར་ཁ་ཚ་དགོས་གཏུགས་ཀྱིས་འདི་དང་འདི་ལྟ་བུའི་གནད་དོན་ལ་བསམ་གཞིག་རེ་བྱེད་རོགས་ཞེས་འབོད་སྐུལ་ཞུ་བ་ལགས།
ད་དུང་ཨ་རི་སོགས་གཙོས་རྒྱལ་ཁབ་མང་བོ་ཞིག་གིས་བོད་ལ་ཁ་ཙམ་གྱི་རྒྱབ་སྐྱོར་བྱེད་བཞིན་ཡོད་པ་འདིས། རྩ་་བའི་ང་ཚོའི་ལས་འགན་དག་མོག་མོག་དང་རབ་རིབ་ཏུ་བཟོ་བཞིན་ཡོད་ལ། མང་བོ་ཞིག་གིས་བདེན་མཐའ་གསལ་བ་ལ་ཡང་ཐག་མི་རིང་བར་ངོས་འཛིན་བྱེད་བཞིན་ཡོད་མོད། དེ་དག་ཚང་མ་རྒྱ་ནག་གི་གཡོ་འོག་ཏུ་ཚུད་སོང་བ་ཡིན། དེའི་ཕྱིར་ངེད་ཀྱིས་རང་ཉིད་ཀྱི་བསམ་ཚུལ་འདི་ཁྱེད་ཅག་གི་མདུན་སར་བཤམས་ནས་བགྲོ་གླེང་ཞིག་བྱེད་འདོད་ཡོད་ན་ལྷན་རྒྱས་ཚོས་བརྗོད་བྱའི་ཐོག་བགྲོ་གླེང་གང་མང་སྤེལ་རོགས་ཞུ།

རང་དབང་མེད་པའི་འཇིག་རྟེན་དང་དེའི་ཁ་དོག


སྡེ་བའི་འདིའི་ཆང་ཁང་ནང་དུ་ང་རོ་ལངས་ཆང་གིས་བཟི་འདུག ཁོ་ར་བཟི་སྐབས་སྡེ་འདབས་ཀྱི་དུར་ཁྲོད་ནང་དུ་སྙན་ངག་ཁ་ཤས་བྲིས་འདུག་ཟེར། ཡིན་ནའང༌། འདི་ནི་སྡུག་ཡུས་ཀྱི་འབོད་པ་ཞིག་རེད་ཅེས་ཁོའི་གྲོགས་པོ་ང་དུར་ཁྲོད་ཀྱིས་གླེང་བཞིན་འདུག ཡོད་ཚད་ཀྱི་འགྱུར་བ་འདི་ནི་རང་དབང་གི་ལྷ་མོ་འབོད་པའི་གསང་གཞན་ཁ་ཤས་རེད། མདོར་བསྡུས་ན་ཁོ་བཙོན་ཁང་ནང་དུ་ལྷུང་འདྲའི་ན་ཟུག་ཅིག་ཁྲག་གི་རྒྱུ་ལམ་དུབཞུར་་བཞིན་ཡོད་པ་འདྲ། ཁོའི་གྲོགས་པོ་ཚོས་ཁོ་ལ་ཆང་མ་འཐུང་ཟེར་མོད་དེ་ནི་རྣ་རྒྱབ་ཀྱི་རླུང་དང་གཅིག་མཚུངས་ཡིན་ཞེས་ཁོས་ང་དུར་ཁྲོད་ལ་གླེང་འདུག སྡེ་བ་འདིའི་རྒན་དར་གཞོན་གསུམ་གྱིས་ཁོ་དང་ང་དུར་ཁྲོད་གཉིས་མི་གྲལ་ནས་ཕུད་སོང་ན་ཡང་ཁོ་གཉིས་ཚོར་བ་མེད་པའི་སྡོང་དུམ་ཞིག་དང་མཚུངས། ད་ནངས་སྔ་དྲོ་འོད་ཀྱི་འགྱུར་བ་དང་ལྷན་ང་རོ་ལངས་ཀྱིས་ང་དུར་ཁྲོད་ལ་གློག་འཕྲིན་ཞིག་བསྐུར་འདུག་པའི་ནང་ཁོ་བོ་ལ་རང་དབང་མེད་ཚུལ་དང༌། ཁྱེད་རང་ཡང་ལམ་ལོག་ཏུ་བསྐྱོད་བཞིན་པ་འཚམས་འཇོག་བྱས་ཏེ་གནམ་འོག་གི་བཀྲ་མཚོ་ཐེངས་གཅིག་ལྟ་རུ་འགྲོ་རོགས་ཞེས་བཀོད་འདུག ཉིན་གུང་ཆུ་ཚོད་༡༢སྐར་མ་༡བོའི་ཐོག་རླུང་ཡོར་དང་ཆབ་རྒྱུན་སོགས་ཀྱིས་ང་རོ་ལངས་འཚོལ་བཞིན་ཡོད། འདི་ནི་ང་རོ་ལངས་རང་དབང་གི་ཆེད་དུ་ཆང་ཁང་ནང་དུ་སོང་བའི་ཉིན་གསུམ་པ་ཡིན་ལ། ང་དུར་ཁྲོད་དང་གྲོགས་པོ་བསྒྲིགས་པའི་ལོ་ལྔ་བ་དེ་ཡང་རེད། བསྟུན་མར་དོན་རྐྱེན་ཐེངས་ཁ་ཤས་བྱུང་རྗེས་སྡེ་བ་འདིའི་ཉེ་འཁོར་ཀུན་ཏུ་རླུང་ལྟར་གྲགས་བཞིན་པ་ནི་ང་རོ་ལངས་དང་ང་དུར་ཁྲོད་གཉིས་ཀྱིས་མི་གསུམ་བསད་སོང་ཟེར། ཐོག་མར་གཏམ་འདིའི་འབྱུང་ཁུངས་ནི་ཡེ་ཤེས་བཟང་བོ་རེད། འདི་བདེན་པ་ཡིན་མིན་མ་ཤེས་ཀྱང་གང་ལྟར་ང་རོ་ལངས་དང་ང་དུར་ཁྲོད་གཉིས་སྡེ་བ་འདིའི་ནང་དུ་ཡོང་ས་ཡོད་པ་མ་རེད། གཏམ་རྒྱུད་དེ་འདི་ནས་འགོ་བརྩམས་ཤིང་བཞུར་བཞིན་ཡོད་པ་རེད། ད་དུང་ཡང་་་་་་་་་་

Saturday, September 13, 2008

སེམས་ཀྱི་ཁེན་ས།

མུ་མེད་འཁོར་བའི་གནས་ཚང་སྐྱ་བོ།།
ལན་ཅིག་མགྲོན་ལ་འབྱོར་བའི་མི་རྐྱང༌།།
རྟེན་འབྱུང་ཟབ་མོས་གཅིག་ཏུ་བསྡུས་པར།།
སྐྱོ་གདུང་མཆི་མས་ཁ་བྱང་བྲིས་ཐལ།།

ཨ་ཐང་ཆད་པའི་མི་ཚེའི་བཤུལ་ལམ།།
རིང་བར་བསམ་པ་འཁྲུལ་བའི་གཞི་རྩ།།
སྐད་ཅིག་ཙམ་གྱིས་ཕྱོགས་སུ་འཁྱར་དུས།།
མནོག་ཆུང་སེམས་ཀྱི་ཁེན་ས་དྲན་བྱུང༌།།

ཆུང་ཆུང་ལུས་སེམས་བརྩེ་བས་བསྐྱངས་ཏེ།།
དགའ་བའི་གཏམ་གྱིས་ངོ་སོ་བསྟོད་པའི།།
བཅོ་ལྔའི་སྔོན་གྱི་ཕ་མའི་དུངས་ཀ།
དེ་རིང་དྲན་ན་ལྷག་ཏུ་སྐྱོ་བ།།

བྲལ་བའི་རྗེས་ཀྱི་དྲན་པའི་རི་མོ།།
སྐྲ་ལོ་ཁ་བས་ཟོས་པ་འདིས་མཚོན།།
མཚོན་དུ་མེད་པ་སེམས་ཀྱི་ན་ཟུག།
བླུན་པོ་དགའ་བའི་གཏམ་དུ་མི་སྐྱུར།།

ཐོབ་དཀའི་མི་ཚེའི་ལག་ཡོང་གཅིག་བུ།།
བརྗེད་དུ་མེད་པའི་དང་བོའི་འཚོ་བ།།
ལུས་སེམས་སྒྱུ་མའི་སྣང་བ་ཞིག་ཚེ།།
མི་ཡུལ་ཁམས་འདིར་ཤུལ་དུ་བསྐྱུར་ཆོག།

འཛོམས་པའི་མཐའ་དེ་འབྲལ་བས་བསུབ་ཏེ།།
བར་ཐག་མིག་ཆུས་མཚོ་ཡིས་བཅད་ཀྱང༌།།
རང་ཡུལ་འབའ་ཆུ་སྔོན་མོའི་ཕྱོགས་ལ།།
གཉེན་ཉེའི་དུངས་ཀ་ཆོད་ཐབས་མི་འདུག།

ཡུན་རིང་མ་སྟོར་སེམས་ཀྱི་ཁེན་ས།།
ད་དུང་མི་འབོར་མི་ཚེའི་སྙིང་བོ།།
ནམ་ཞིག་འབའ་ཡུལ་ལུ་གུའི་རྩེད་རར།།
འཁོར་མེད་དྲིན་ལན་ཅན་དེར་འཕྲད་ན།།

མ་བཅོས་སེམས་ཀྱི་གཏམ་གྱི་ཕྲེང་བ།།
དྲན་གདུང་མཆི་མའི་སྐུད་པར་བརྒྱུས་ཏེ།།
ཡུན་རིང་བོར་བའི་བུ་ལ་འཕྲད་པའི།།
བྱམས་སེམས་ཅན་དེའི་སྙན་དུ་འབུལ་ལོ།།
འདོན་སྤེལ།: ༢༠༠༨/༠༩/༡༢

ཟིན་བྲིས་ནང་ལོགས་ཀྱི་ཆེད་སྒྲིག།

ཟིན་ཐོ་སྤེལ་གྲངས་ཐ་མར་ལྟ་བ།

luntsom

བྱ་བརྒྱ་འཕུར་ཤུལ་གྱི་མགྲོན་པོ།


རྫོགས་མེད་ལུས་ཀྱི་མྱངས་བྱར་ཕ་མཐའ་མེད་པས།།
བྱེ་མའི་འཇིག་རྟེན་འདི་ནས་སྤོབས་པ་རྙེད་བྱུང་།།
ཚེ་ཡི་རི་མོ་རྙིང་ནས་ཡལ་རག་བར་དུ།།
བདག་གི་ཚོར་སྣང་གླུ་ཡི་སྐད་ལ་འཐིམས་སོང་།།

བཟི་ཁས་རྨི་ལམ་མྱངས་པའི་མི་ཆེན་དེ་ཚོ།།
ནམ་མཁའི་བྱ་ཆེན་དག་གི་སྐྱེ་བ་ཡིན་འདུག།
སྲོད་ཀྱི་གྲིབ་ནག་འགུལ་བའི་གཟུགས་ལ་བལྟས་ནས།།
མཁའ་ཡི་སྤྲིན་པ་གཤགས་ནས་འཕུར་ཚུལ་སྔ་སོང་།།

བཙན་གྱི་འཛུལ་ཞལ་སྟོན་པའི་རི་ཁའི་མི་ལ།།
གསར་འབྱོར་གླུ་བ་ཞིག་གི་མགྲིན་པ་བཏེགས་ཡོད།།
རྒས་མེད་དུངས་སྣང་ཞིག་གི་དྲན་ཤིང་བར་ནས།།
སླར་ཡང་བརྩེ་བའི་གནའ་གཏམ་འཆད་ལ་ཉན་ཡོད།།

སྲོག་གི་དབྱངས་རྟ་ཡོད་པའི་ཕོ་བྲང་ཞུགས་ཚེ།།
སྐྲ་ཡི་སྐུད་པ་ཆད་པའི་བར་ཆད་བྱུང་ནས།།
ཉི་མའི་འཁར་བར་ཁེན་པའི་རྨི་ལམ་རེ་རེ།།
འདི་ལྟར་མཇལ་འཛོམས་ཞིང་གི་མིག་ཆུ་ཡིན་འགྲོ།།

སྐྲ་ལོ་མི་ཁས་ཁུར་བའི་གླུ་བ་རེ་རེ།།
ལམ་ཁའི་གྲོང་ཚོ་ཞིག་གི་མགྲོན་པོ་ཡིན་པས།།
ཕུགས་བསམ་ཀ་ཁའི་རྣམ་ཤེས་ཇི་སྲིད་གསོན་ན།།
ཚིག་གི་གྲོང་ཁྱེར་བསྐྲུན་ལ་ང་རང་ཤི་མེད།།
འཁྱམ་པོ་གངས་རིའི་འོད་ཟེར།