ཆར་བ།
རེ་རྐང་གླིང་།
ཆར་བ་དེ་མུ་ཏིག་གི་རྒྱུན་ཐག་འཐོར་བ་བཞིན
དཀར་སོབ་སོབ་ངང་ཁྱོད་ཀྱི་སེམས་ལ་འབབ་དུས་སུ
བསྡུས་བརྗོད་ཀྱི་ལག་པ་མ་བཙུགས་པའི་ཁྱོད་ཀྱི་སྙིང་ཆུང་དེ
ཅི་འདྲའི་ཞེ་མེར་བ་ལའང
ལོ་ཟླ་སྐད་ཅིག་གིས་འདས་པའི་དུས་ཀྱི་རྦ་ཀློང་ཁྲོད
ཆར་བ་ནི་དུས་ཚོད་ཀྱི་མིག་ཟུང་གསལ་བའི་ངལ་རྩོལ་བ་ཞིག་སྟེ
འཁྱག་ཤིར་ཐེབས་པའི་ཕྱེ་མ་ལེབ་ཅིག་གི་རྨི་ལམ་སྒུལ་བ་ཇི་བཞིན
རང་བྱུང་གི་བྲག་རྡོ་དག་ལའང བརྩེ་བའི་མིག་ཆུ་བཞུར་དུ་འཇུག
བརྩེ་དུང་གི་རྨུ་ཐག་ལ་འཐམ་པའི་རྨི་ལམ་གྱི་སྡོང་བོར་སེར་ཀ་ཤོར་ཉིན་ནས
ཕུགས་བསམ་གྱི་ལོ་མའི་སྟེང་ལ་བབས་པའི་རྐང་ཐང་གི་ཆར་བ་དེ་ཡང
ལྕགས་ཀྱི་རིལ་བུ་མང་པོ་ཞིག་གི་ཚུལ་གྱིས
འཕྲུལ་འཁོར་གྱི་སྒལ་གཞུང་ནས་འགུལ་སྐྱོད་ལ་བྲེལ་དུས
རང་གི་རྩ་ལམ་ན་རྒྱུ་བཞིན་པའི་ཟུང་ཁྲག་གི་འདུར་རྒྱུག་དེ་ཡང
དུས་རབས་ཀྱི་བརྡབ་གསིག་ལས་བཏོན་པའི
ཇག་པ་མང་པོ་ཞིག་གི་རྔུལ་ཆུ་ཡིན་ན་བསམ་ཞིང
ཟམ་ཟིམ་འབབ་པའི་ཆར་བ་དེ་ལའང
ཁེར་རྐྱང་གི་སེམས་ངོ་ཞིག་ཚུགས་ནས་ཡོད་པ་རྟོགས་སོང
2011.8.4 དགོང་མོར།
རེ་རྐང་གླིང་གི་ཟིན་བྲིས་འདི་ནི་ད་ལྟའི་སྐབས་རང་མོས་སྙན་ངག་འབྲི་མཁན་ཁག་ལ་ཕན་ཐོགས་ཆེ་བས་ཆེད་དུ་འདིར་སྤེལ་བ་ཡིན་ན། རྩོམ་ཡིག་ལ་དོ་སྣང་བྱེད་མཁན་དག་གིས་སེམས་ཀྱི་རྒྱག་ཕྱེ་རུ་སྤིན་པར་ཤོག་ཅིག་གུ
ReplyDeleteང་དུར་ཁྲོད་ཀྱིས།